ചന്നം ചിന്നം പെയ്യുന്നൂ മഴ
തന്നം പിന്നം കുളിരുന്നൂ മനം
ഛന്നം ഛിന്നം വെട്ടുന്നൂ ഇടി
അല്ലം വല്ലം പിളര്ക്കുന്നൂ മിന്നല്
തുഞ്ചത്തും തുമ്പത്തും തുള്ളി-
ക്കളിക്കുന്നു തുള്ളികള് തള്ളലായ്
മാനത്തും മനസ്സിലും പെയ്യുന്നു
കുളിരായ് തളിരായ് തരളമായ്
ഋതുമതിയായ് ഭൂമിയും നാരിയും
വെമ്പുന്നു വിത്തിനായ് ആര്ദ്രമായ്
കൊമ്പുകോര്ക്കുന്നു കാലികള്
പാടവരമ്പിലായ് ചെളിയില് പുതഞ്ഞ്
തുള്ളുന്നു മനം വിറയ്ക്കുന്നു തനുവും
കോമരം പോലെ, ചിലങ്കകള് ചിലമ്പുന്നു
കാറ്റിലാടുന്നു പൂവുകള് കായ്കള്
തുമ്പികള് പാറിപ്പറക്കുന്നു വാനിലായി
വര്ഷംപോയ്മറഞ്ഞാലും മറക്കില്ല
കതിരു കൊയ്യും മഴക്കാലം
വരണ്ടഭൂമിയെ തിരണ്ടുമാക്കാലം
തീണ്ടാരിയെപ്പോല് പൊറുത്തകാലം.
തന്നം പിന്നം കുളിരുന്നൂ മനം
ഛന്നം ഛിന്നം വെട്ടുന്നൂ ഇടി
അല്ലം വല്ലം പിളര്ക്കുന്നൂ മിന്നല്
തുഞ്ചത്തും തുമ്പത്തും തുള്ളി-
ക്കളിക്കുന്നു തുള്ളികള് തള്ളലായ്
മാനത്തും മനസ്സിലും പെയ്യുന്നു
കുളിരായ് തളിരായ് തരളമായ്
ഋതുമതിയായ് ഭൂമിയും നാരിയും
വെമ്പുന്നു വിത്തിനായ് ആര്ദ്രമായ്
കൊമ്പുകോര്ക്കുന്നു കാലികള്
പാടവരമ്പിലായ് ചെളിയില് പുതഞ്ഞ്
തുള്ളുന്നു മനം വിറയ്ക്കുന്നു തനുവും
കോമരം പോലെ, ചിലങ്കകള് ചിലമ്പുന്നു
കാറ്റിലാടുന്നു പൂവുകള് കായ്കള്
തുമ്പികള് പാറിപ്പറക്കുന്നു വാനിലായി
വര്ഷംപോയ്മറഞ്ഞാലും മറക്കില്ല
കതിരു കൊയ്യും മഴക്കാലം
വരണ്ടഭൂമിയെ തിരണ്ടുമാക്കാലം
തീണ്ടാരിയെപ്പോല് പൊറുത്തകാലം.