പ്രായമാകുന്ന ശരീരമാണ് ഞാന്‍
പ്രായമാകാത്ത മനസ്സാണ് ഞാന്‍
മിനുക്കിമിനുക്കി കിടത്തും
വെള്ളത്തുണിയില്‍ പൊതിയും
മണ്ണിനടിയില്‍ പുഴുക്കളാല്‍ തിന്നും
വിറകിനുള്ളില്‍ തീനാമ്പുകള്‍ വിഴുങ്ങും
വെള്ളത്തുണിയില്‍ പൊതിയും
മണ്ണിനടിയില്‍ പുഴുക്കളാല്‍ തിന്നും
വിറകിനുള്ളില്‍ തീനാമ്പുകള്‍ വിഴുങ്ങും
ഞാന്‍ ആകുന്നു, ആയിരുന്നു, ആകും
സമയത്തിനുള്ളില്‍ ഒതുങ്ങുന്നത് ശരീരം
സമയബന്ധങ്ങള്‍ക്കുപരിയാം ആത്മാവ്
കാണുന്നതിന്റെ കാരണവന്‍ ഞാനല്ല
സമയത്തിനുള്ളില്‍ ഒതുങ്ങുന്നത് ശരീരം
സമയബന്ധങ്ങള്‍ക്കുപരിയാം ആത്മാവ്
കാണുന്നതിന്റെ കാരണവന്‍ ഞാനല്ല
ചിന്തകളുടെ പിറവി ആദിയില്‍നിന്ന്
കഴിഞ്ഞ ജന്മങ്ങളിലെ തുടര്‍ച്ചയായ്
വസ്ത്രം മാറുന്നതുപോല്‍ ശരീരം
വസ്ത്രത്തിനുള്ളിലെ ശരീരമായ് ആത്മ
കഴിഞ്ഞ ജന്മങ്ങളിലെ തുടര്‍ച്ചയായ്
വസ്ത്രം മാറുന്നതുപോല്‍ ശരീരം
വസ്ത്രത്തിനുള്ളിലെ ശരീരമായ് ആത്മ
ആത്മാവിന്റെ ആയുസ്സ് അനാദിയായ്
ആയുസിലെണ്ണിയൊടുങ്ങുന്ന ശരീരം
തലമുറകളുടെ ചങ്ങലക്കണ്ണിയായ്
ആവര്‍ത്തനങ്ങളുടെ ആകെയായ ബോധം
ആയുസിലെണ്ണിയൊടുങ്ങുന്ന ശരീരം
തലമുറകളുടെ ചങ്ങലക്കണ്ണിയായ്
ആവര്‍ത്തനങ്ങളുടെ ആകെയായ ബോധം
ബ്രഹ്മന്‍ ആത്മാവില്‍ പ്രദാനം ചെയ്യുന്നു
ആത്മന്‍ ശരീരത്തില്‍ വസിക്കുന്നു
ഞാനായ ശരീരം ജഡമായിത്തീരും
ജീവനായ ആത്മന്‍ ബ്രഹ്മത്തില്‍ ചേരും
ആത്മന്‍ ശരീരത്തില്‍ വസിക്കുന്നു
ഞാനായ ശരീരം ജഡമായിത്തീരും
ജീവനായ ആത്മന്‍ ബ്രഹ്മത്തില്‍ ചേരും
