കൃഷ്ണശിലയുമലിയുമാര്ത്തനാദം കേട്ടില്ല ആരുമേ,
ഏകനായി അനശ്വരനായി നിന്നൂവിതുമ്പുന്നു തന്
പൊന്ശരീരത്തിന്ക്ഷതി കാണവേ നിസ്സഹായം
നിര്നിമേഷം, ശപിക്കുമാ മുപ്പത്തിമുക്കോടിദൈവങ്ങളെ
ഇരമ്പിയെത്തും ലോഹവണ്ടിതന് ചക്രങ്ങള് തിരിഞ്ഞു
ഗളച്േഛദം ചെയ്തൊരു വേര്പ്പെട്ട ഉടലും കൈകാലുകള്
ചിന്നിച്ചിതറിക്കിടക്കുന്നിതാ മാംസത്തുണ്ടുകള്, എല്ലുകള്
ഒഴുകിത്തളംകെട്ടിക്കിടക്കുന്ന രക്തച്ചാലുകള് ചുറ്റുമായി
ചുറ്റുകൂടിയാ ജനക്കൂട്ടം ബഹളമേതുമില്ലാതെ,
പിരിഞ്ഞുപോകുന്നു ചിലര് അന്യനെപ്പോല്
ഞെട്ടിത്തരിച്ചിരിക്കുന്നിതാ ചിലര് സ്തബ്ദതരായ്
ചോദ്യങ്ങള് ചിതറുന്നു ആരാണിവന്-ആരാണിവള്
മൂകമായ് ആത്മാവ് ചുറ്റിത്തിറിയുന്നു ചിതറിയ
ശരീരത്തിനടുത്തായി വാ പിളര്ന്നാല് വരില്ല
ഒച്ചയും അനക്കവും, എങ്ങനെ പരിചയപ്പെടുത്തേണ്ടൂ
ഹതഭാഗ്യവാന് ഹതാശയന് മൃത്യു കവര്ന്നവന്
എത്ര പ്രതീക്ഷകള് നെഞ്ചേറ്റിനടന്നവന്, ഒരുനിമിഷാര്ദ
വേളയില് പൊലിഞ്ഞേ പോയി - രണ്ടു കണ്ണാകിലും
നാലുകണ്ണിന് കാഴ്ചവേണം ചുറ്റുമേ ദര്ശിച്ചീടുവാന്
ഇന്നിയൊരു തിരിച്ചുവരവില്ലെന്നാകിലും കൊതിച്ചിടാം.
മണിമുത്തുകിലുങ്ങും ജീവന്റെ പൊന്ത്തിളക്കത്തെ
കൈക്കുമ്പിളില് അമ്മാനമാടിക്കളിച്ചിടാന്, നല്പ്പുലരി
യെ കണ്ക്കുളിര്ക്കേ കണ്ടു സുസ്മേരവദനനായ്
തെളിഞ്ഞനീലാകാശം നിറയെ വെള്ളിമുകില്മാലപോല്
നൊന്തുപെറ്റൊരമ്മയും തലയിലുംനിലത്തും നിര്ത്താതെ
നിമിഷങ്ങളെണ്ണി വളര്ത്തിപ്പരുവമാക്കിയൊരച്ഛനും
അറിഞ്ഞില്ല തന്പൊന്മുത്തിന് ഗതി നിശ്ചയതന്നെയോ
അറിയുമാനിമിഷം പൊട്ടിച്ചിതറുമഗ്നിപര്വതംകണക്കെ
ഉരുകിയൊലിച്ചീടുമവര്തന് മനവും തനവും, അന്ധകാരം
മൂടിടും കണ്കളില്, ഞെരമ്പുകള് തിളയ്ക്കും ചൂടിനാല്
വറ്റുഭൂമിയില് ജലകണം കണക്കേ, നാവുകള് ചലിക്കാതെ
ചുറ്റും ലോകം തലകീഴായി ഒടുങ്ങിടും ഭുമിമടിയിലായ്
ഈച്ചയും പ്രാണിയും ചുറ്റുന്നു, ഉറുമ്പുകള് രുചിക്കുന്നു
ചുടുചോര ധൃതിപ്പെട്ടു, പരുന്തുകള് പറക്കുന്നു മാംസ
കഷണത്തിന് തുണ്ടിനായി, പൂച്ചയും പട്ടിയും പമ്മി നടക്കുന്നു
അവയ്ക്കും വേണം വീതമായി അകാലമൃത്യുവിന് ശകലം
വിടചൊല്ലിയതാവാം ആ യാത്രയുടെ തുടക്കം കൈവീശി
കളള്പറിച്ചും ഹൃദയും കൊടുത്തും മനസ്സുനിറച്ചും
എന്നിട്ടുമെന്തേ ഭവിച്ചതിന്പ്രകാരം ദുരന്തജീവിതം
ആരുമേ നിനയ്ക്കില്ല വിധിതന് കരാളഹസ്തത്തിന്
വികൃതികള്, കല്പ്പനകള്, തിട്ടൂരംമായി വരും മരണം
കാലന്റെ കുളമ്പടിയൊച്ചയോ കേള്ക്കില്ല ആരുമേ
മണക്കും അശരീരിയായ് നിഴലിന് അനക്കങ്ങള്
നായ്ക്കള് ഓരിയിടും മൂകമാം രാത്രിയില് നിര്ത്താതെ
ജീവന് നിലച്ചില്ലാ പ്രാണന്റെ നിലവിളി ആരുകേള്ക്കാന്
എങ്ങിനെ കൂട്ടിച്ചേര്ക്കുമാചിതറിയ മാംസപേശികള്
എല്ലിന്കഷണങ്ങള് ഒഴുകിയ ചോരതന് ചോപ്പിനെ
വേര്പ്പെട്ട ആത്മാവിന് ഗദ്ഗതം കേള്ക്കില്ല ആരുമേ
ശരീരത്തിനുനഷ്ടം ജീവനോ ആത്മാവിന് നഷ്ടം ഗാത്രമോ
അറിയില്ലയെല്ലായറിവിനുമേലെയാണഖില ലോകത്തിന്
കാണാക്കണക്കുകള്, തീര്പ്പുകള്, വിധിന്യായങ്ങള്
ആയുസിന്പുസ്തകം തുറക്കണം അടയാളം കാണുവാന്
ദീര്ഘായുസിന്അടയാളം ആര്ക്കുമേ നല്കിയില്ലെന്നതു
ആര്ക്കുമറിയില്ലെന്നതു നിശ്ചയം എന്നിട്ടും ആഗ്രഹിക്കുന്നു
അനന്തമാം ആയുസിന്കാരുണ്യത്തിനായ് വെറുതയായ്
നീളണം വലിയണം ആഗ്രഹത്തിനൊപ്പമായി ജീവിതം..
No comments:
Post a Comment