പൂവിതള്‍ത്തുമ്പിലും
പച്ചിലത്തുമ്പിലും
പച്ചോലത്തുമ്പിലും
ഊഞ്ഞലാടുന്നു
പാറിനടക്കുന്നു തുമ്പികള്‍
കുഞ്ഞിളം കൈയാല്‍
തുമ്പിയെ പിടിക്കുവാന്‍
മെല്ലെ ശ്രമിക്കവേ
ഒളികണ്ണെറിഞ്ഞു
പറ്റിച്ചുപാറിപ്പറന്നിടുന്നു
ഒന്നല്ല രണ്ടല്ല
കൈക്കുമ്പിളിലെണ്ണിയാല്‍
ഒടുങ്ങില്ല തുമ്പികള്‍
മന്ത്രജാലംപോല്‍
പ്രത്യക്ഷരാവുന്നു
ആകാശസീമയില്‍
കാനനച്ഛായയില്‍
ആറ്റിന്‍കരയിലും
വയല്‍വരമ്പത്തും
പാറിക്കളിക്കുന്നു തുമ്പികള്‍
വെളിവെയിലില്‍
തീനാളമായ് വിളങ്ങിടും
ചാറ്റല്‍മഴയത്ത്
കൂഞ്ഞുചിറകില്‍ പാറി
മിന്നിമറയുന്നു തുമ്പികള്‍
പാടത്തും മൈതാനിയിലും
ഒച്ചവച്ചുകളിക്കുന്ന
കുട്ടികള്‍ക്കൊപ്പമായ്
പൊങ്ങിയുംതാഴ്ന്നും
നൃത്തം ചവിട്ടുന്നു
രണ്ടുചിറകിലും
നാലുചിറകിലും
ബഹുവര്‍ണനിറത്തിലും
കൊമ്പിലും കുഴലിലും
പലതരം തുമ്പികള്‍
തുമ്പിയെ കാണുമ്പോള്‍
മനംനിറയുന്നു
ഗൃഹാതുരമായൊരു
ഓര്‍മകള്‍ തുമ്പികളായ്
കാണാമറയത്ത് മറയുന്നു...
മധുരമീ ഓര്‍മച്ചിത്രങ്ങള്‍
മായുമോ മനുഷ്യായുസ്സില്‍
മാഞ്ഞാലും മറഞ്ഞാലും
പിന്നെയും പൂക്കുന്നു
തുമ്പികള്‍ പുനര്‍ജനിയായി....
പച്ചിലത്തുമ്പിലും
പച്ചോലത്തുമ്പിലും
ഊഞ്ഞലാടുന്നു
പാറിനടക്കുന്നു തുമ്പികള്‍
കുഞ്ഞിളം കൈയാല്‍
തുമ്പിയെ പിടിക്കുവാന്‍
മെല്ലെ ശ്രമിക്കവേ
ഒളികണ്ണെറിഞ്ഞു
പറ്റിച്ചുപാറിപ്പറന്നിടുന്നു
ഒന്നല്ല രണ്ടല്ല
കൈക്കുമ്പിളിലെണ്ണിയാല്‍
ഒടുങ്ങില്ല തുമ്പികള്‍
മന്ത്രജാലംപോല്‍
പ്രത്യക്ഷരാവുന്നു
ആകാശസീമയില്‍
കാനനച്ഛായയില്‍
ആറ്റിന്‍കരയിലും
വയല്‍വരമ്പത്തും
പാറിക്കളിക്കുന്നു തുമ്പികള്‍
വെളിവെയിലില്‍
തീനാളമായ് വിളങ്ങിടും
ചാറ്റല്‍മഴയത്ത്
കൂഞ്ഞുചിറകില്‍ പാറി
മിന്നിമറയുന്നു തുമ്പികള്‍
പാടത്തും മൈതാനിയിലും
ഒച്ചവച്ചുകളിക്കുന്ന
കുട്ടികള്‍ക്കൊപ്പമായ്
പൊങ്ങിയുംതാഴ്ന്നും
നൃത്തം ചവിട്ടുന്നു
രണ്ടുചിറകിലും
നാലുചിറകിലും
ബഹുവര്‍ണനിറത്തിലും
കൊമ്പിലും കുഴലിലും
പലതരം തുമ്പികള്‍
തുമ്പിയെ കാണുമ്പോള്‍
മനംനിറയുന്നു
ഗൃഹാതുരമായൊരു
ഓര്‍മകള്‍ തുമ്പികളായ്
കാണാമറയത്ത് മറയുന്നു...
മധുരമീ ഓര്‍മച്ചിത്രങ്ങള്‍
മായുമോ മനുഷ്യായുസ്സില്‍
മാഞ്ഞാലും മറഞ്ഞാലും
പിന്നെയും പൂക്കുന്നു
തുമ്പികള്‍ പുനര്‍ജനിയായി....
No comments:
Post a Comment