ഒരിക്കലും തൃപ്തിവരാത്തവന്ആഗ്രഹങ്ങളുടെ ആര്‍ത്തിരമ്പുന്ന
കടലുമായി അലറിവരുന്നവന്‍
ഓരോ തിരയും തീരത്ത് തലതല്ലി
മരിക്കുമ്പോഴും പുതിയൊരു
തിര ഓടിക്കിതച്ച് ആര്‍ത്തലച്ചങ്ങനെ
നിറവേറ്റാത്ത ആഗ്രഹങ്ങള്‍
പതഞ്ഞ് അലിഞ്ഞ് വലിഞ്ഞ്
അപൂര്‍ണ്ണമായ ജന്മം പോലെ
അതൃപ്തമായ ജീവിതവുമായി
മരണവീട്ടിലേക്കുള്ള വഴിപോലെ
കൂട്ടം തെറ്റി പറക്കുന്ന പറവകള്‍
ആകാശത്തിന്റെ അത്യുന്നതിയില്‍
അതിരുകള്‍ ഭേദിച്ച് ഒരു പലായനം
കൂടുവിട്ടും കൂട്ടം തെറ്റിയും കൂട്ടമായി
കൂടുതേടി കൂടണഞ്ഞ് കൊക്കുരുമി
ചിറകുനുള്ളില്‍ കൂടൊരുക്കി മനംനിറഞ്ഞ്
വേര്‍പിരിയാന്‍ നേരമായി മധുരമുള്ള
ഓര്‍മ്മകള്‍ വേദനയില്‍ വീണലിഞ്ഞ്
ദഹനമായി സഹനമായി ശമനമായി.
No comments:
Post a Comment