എപ്പോള്‍ പോകുമെന്നോ വരുമെന്നോ
ഒരു നിശ്ചയവുമില്ല-മരണമ്പോലത്
എന്നാല്‍ വീണ്ടും വരും കൊതിപ്പിക്കും
ജീവിപ്പാന്‍ ഉന്മേഷമേകും-വെളിച്ചം ഊര്‍ജമായി
എന്നാലും കെ.എസ്.ഇ.ബി, ഇതു കഷ്ടം
എത്രമേല്‍ പ്രതീക്ഷിപ്പു വിശ്വാസമര്‍പ്പിതു
പക്ഷെ നിനച്ചിരിക്കാതെ വീണ്ടും അണഞ്ഞുപോം
മതി എനിക്കുവയ്യാ നിന്‍ ആശ്രയം ഇനിമേല്‍
ഞാന്‍ ചിമ്മിനി വിളക്കിന്റെ മധുരമാം
ഓര്‍മ്മകള്‍ അയവിറക്കും, തിരിക്കും
ചക്രം കൈതാന്‍ സ്വയം. തിളയ്ക്കും
വെള്ളം ഉണങ്ങിയ മരചില്ലയാല്‍
ഇസ്തിരിയും വാഷിംഗ് മെഷിനും
അലങ്കാരമായി വയ്ക്കും ഷോ കെയ്‌സില്‍
കാക്കയും കിളികളും വിശ്രമിക്കട്ടെ
ആകാശത്തെ വരിഞ്ഞ നിന്‍ കമ്പിവേലിയില്‍
വിളക്കുകാലില്‍ മണ്‍ചെരാത് ചാര്‍ത്താം
അണക്കെട്ട് പിളര്‍ന്ന് ഒഴുകട്ടെ ജലം
സ്വച്ഛമാം ഈ ഭൂതലത്തില്‍ സ്വതന്ത്രയായ്
ഭയക്കേണ്ട ഈ ഭൂതത്താന്‍ കെട്ടിനെ
മരണം വരുത്തും നിന്‍ വിദ്യുത് തരംഗത്തെ
No comments:
Post a Comment